CATEGORY

Parawan jeung Dedemit teh kumpulan carpon beunang Yus Rusamsi: "Parawan", "Di Setatsion" jeung "Dedemit". Cara dina roman-romanna Dedeh jeung Randa Bengsrat, carpon-carpon dina ieu kumpulan ngagambarkeun suasana kajiwaan para to-kohna. Dina "Parawan" dicaritakeun dua parawan nu kagolongkeun goreng rupa tur geus kaitung kolot. Maranehna ngarasa ha-riwang lamun henteu meunangkeun jodo. Maranehna ngagugat masarakat nu nempatkeun awewe dina posisi pasif: teu wenang milih cara lalaki. "Di Setatsion" nyarita-keun budakawewe baramaen di setatsion nu keur kalaparan tapi eraeun rek mulung kupat nu ragrag. Era lantaran eta kupat teh ragrag deukeut dua rumaja nu keur bobogohan. Tungtungna, eta kupat teh dihakan ku anjing, sarta budak awewena tuluy kapa-ehan. Basa eling, manehna ngarasula naha hirup teh ditangtu-keun ku pamadegan batur. Dina "Dedemit" kasieun kana dedemit jeung sabangsana anu ngajirim dina pikiran jelema teh dipangaruhan ku imajinasi sorangan dumasar kana caritaan nu kungsi kadengeti batur.